ديك اولور و اول كمسنه كه كوس عدلى اورمق استركوس اوكنده ايكى ديز اوزرينه اوتوروب اودر و اول كوس بكجيلرى اول كمسنه‌يى حفظ و ربط ايدرلر بعده بربرى اردندن كوسلر اوريله رق خاقانك مسموعى اولدقده در حال خاص خادملرينى كوندروب اول خادملر اول ادمك احوالك صوروب اقوالك يازرلر و اول مسكينك خطنى الور مجرد قولنى خاقانه عرض ايتمزلر خطن المانيجه بعده اندن كفيل الوب صاليو يررلر اكر ضمانى يوغيسه حبس ايدرلر زيرا اول كمسنك احوالى مهمات كليه دن اولمغله اول جهتدن حفظ اولنور و تذكره‌يى خاقان چين جانبنه عرض ايتدكلرنده بالذات اوقيوب احوالنى تفتيش ايدر اكر قولنده صادق ايسه اول بكلركناهلرينه كوره حبس و عزل و قتل اولنور ايينلرنده اصلا ميل و محابا بوقدر تمامت ملك چينده بر احد قانونلرندن بر جزئى نسنه‌يى ترك ايلسه جمله‌سى توابع و لواحقيله حبس و بنده چكلوب جرائمين الورلر و بعده هر طائفه نك جدا جدا ترجمانلرى واردر و مسلمانلرك مصالحى ايچون برمير معتبر تعيين اولنمشدر و الچيلره اجازت و عطا و احسان و يرمك وقتى كلدكده هر قومك زباندان و ترجمانى خاقانك حضورينه و اروب عرض و نياز ايدرلر خاقان چين دخى همان خطاب ايدوب معلومم اولدى ديو جواب و يررايج سرايده اولان وزرا و امرا و سائر انده اولان خلق خان خطايدن بوقدر كلام ايشيدرلر بو كلمه دخى كويا خلايقه لسانى اولديغنى بيلدر مكيچوندر زيرا وزرا و امرا ايله مكالمه ايلمك قانونلرى دكلدر و خاقان حضورنده خط اظهار ايتميوب لازم اولان امورى بشقه محلده تحرير ايدوب عرض ايدرلر و سرايك بر جانبنده عرض و جواب ايچون مخصوص بر در و بندواردر كه ذكر اولندى و كاه اولور كه خاقان اوچنجى دربندده تخت قوروب اوتودر و ذكر اولنان وزرا و امرا و اطراف و جوانبندن كلان الچيان و عسكريان خيل و حشملريله كروه كروه دردنجى دربنده كلنجه صف صف اولوب طوررلر و خاقان چين ايچرودن ترتيب مذكور اوزره درودربند سمتنده اولان تختنده اوتورر شويله كه نه خاقان خلقى و نه خلق خاقانى كوررلر و امرانك اللرنده فيل ديشندن معمول منقش تخته‌لرى اولمغله اول اثناده يوزلرينه طوتوب جمله‌سى بردن صدا و اواز غريب ايله تعظيما بر نعره بلند اوررلر بعده صوت جهر ايله امير كبير ندا ايدوب عرض ايدر كه اطراف و جوانب عالمدن بيحد و عد امرا و الچيان و سائر عساكر ظفر مأثر حالا پادشاه عالميناهك دركاه سعادت اشتباهلرينه حاضر و انعام و احسانلرينه مظهر دوشمكه ناظردرلر ديو خاموش اولور درون سرايدندخى خاقانك تختى اوكنده